Kualifikimet e shpejta : Për rinovimin e nevojshëm të ekonomisë dhe zhvillimin e qëndrueshëm te saj, punëtorët e kualifikuar duhet të jenë në dispozicion sa më shpejt në sektorët e orientuar drejt së ardhmes. Për këtë arsye, në bashkëpunim të ngushtë me kompanitë që aktualisht kërkojnë specialistë duhet të konsiderohen masat afatshkurtra të kualifikimit në qendrat e përshtatshme multifunksionale të arsimit dhe aftësimit profesional. Udhëzimi profesional si një element i politikës aktive të tregut të punës Sondazhe përfaqësuese tregojnë se në Kosovë, sidomos të rinjtë- dhe prindërit e tyre- kanë pak informacion rreth asaj se cilat rrugë të karrierës mund të jenë premtuese dhe kuptimplote për ta. Informacioni mbi nevojat e ekonomisë është pothuajse i panjohur dhe deri më tani vështirë se komunikohet publikisht. Për këtë arsye, bashkëpunimi i ngushtë midis sektorit privat dhe politikës shtetërore të tregut të punës – si interes i përbashkët- do të jetë i nevojshëm edhe në të ardhmen. Për të korrigjuar defektet, në afatin e shkurtër mund të përfytyrohen masat e mëposhtme: Shkëmbim i gjerë dhe i përditësuar i informacionit ndërmjet sektorit privat dhe qendrave publike të punësimit në lidhje me nevojat aktuale dhe ato të ardhshme. Qendra ose evente informative të zyrave të punësimit ose zyrave të tyre vartëse për prindërit dhe nxënësit që tashmë janë në shkollat e mesme, në mënyrë që ata të kenë ndihmën e duhur në vendimmarrje për planifikimin e mëtejshëm të jetës së të rinjve. Sistem këshillimor për studentët fillestar lidhur me përzgjedhjen e tyre të drejtimit në bashkëpunim të ngushtë me universitetet dhe sektorin privat. Integrim kuptimplotë i praktikave në programet e studimit me qëllim korrigjimi ose përcaktimi të vendimeve të studimit, nëse është e nevojshme. Këshillim për të papunësuarit për një ri­trajnim te duhur ose trajnim të mëtejshëm për të rritur ose lehtësuar mundësitë e tyre të punësimit. 8