Përdorimi i potencialeve ekonomike vetanake Kosova ka një numër burimesh natyrore. Këto duhet së pari sa më shumë që është e mundur të përdoren dhe të ndërlidhen në mënyrë efektive. Këto burime përfshijnë: Energjitë e rinovueshme (uji, era, dielli): Këtu - varësisht nga rrethanat- ka shumë mundësi për gjenerimin e energjisë. Kjo do t'i mundësojë Kosovës- hap pas hapi- të çlirohet nga lëndët djegëse fosile të energjisë dhe të plotësojë nevojat e veta. Bujqësia : Bujqësia e Kosovës nuk e ka shfrytëzuar potencialin e saj akoma. Rendimenti mundet- me organizim të mençur dhe kompetent, mundësitë e magazinimit dhe përpunimin e mëtejshëm të certifikuar- të jetë dukshëm më i lartë dhe i orientuar drejt eksportit. Turizmi : Kosova ka një natyrë të larmishme në një hapësirë të vogël. Kjo pasuri mundet - me zhvillim ekologjik dhe të qëndrueshëm të turizmit- të çojë në të ardhura të qëndrueshme dhe në rritje. Industria e lehtë : Vendi ka disa tradita, p.sh. në sektorin e lëkurës dhe tekstilit. Përveç kësaj ka investime të reja që duhet të përdoren për zhvillim të mëtejshëm. Kështu, me investime të orientuara në cak, mund të krijohet një faktor ekonomik i suksesshëm dhe fitimprurës- gjithashtu dhe sidomos në sektorin e zejeve dhe me shumë biznese ekzistuese mikro dhe të vogla. Minerale të vlefshme : Depozitat ekzistuese përdoren vetëm në mënyrë të pamjaftueshme dhe me mjete të vjetëruara. Me investime të orientuara për modernizim dhe një lidhje me përpunimin e mëtejshëm mundësohen rendimente më të larta. Koncepti i përgjithshëm për zhvillimin kosovar Për të përdorur potencialin ekonomik në mënyrë efektive, investimet dhe projektet publike afatmesme dhe afatgjata duhet të përmblidhen në një koncept të përgjithshëm. Ky koncept i përgjithshëm pastaj mund të formulohet si vizion"Kosova 2025". Elementet kryesore të këtij vizioni do të ishin: Zhvillimi i infrastrukturës : Zhvillimi i infrastrukturës së vendit është gjithashtu një masë e domosdoshme ndërsektoriale për zhvillimin e sektorëve ekonomikë. Ka të bëjë me furnizimin me energji, komunikimin, deponimin dhe asgjësimin e mbeturinave, me ujin e pijshëm dhe kanalizimin ose me trafikun. Edukimi dhe arsimimi modern dhe i orientuar drejt profesionit : arsimi nuk është një objekt i tregut të lirë. Shteti duhet të sigurojë një sistem arsimor modern dhe funksional që plotëson nevojat sociale dhe ekonomike. Mirëqenia sociale : si një shtet anëtar i ardhshëm i BE-së, Kosova duhet të ketë standardet minimale të sigurimeve shoqërore dhe pensioneve. Këto përfshijnë, ndër të tjera, një ofertë funksionale për kujdesin për pleqtë dhe pacientët dhe një sistem shëndetësor funksional. 4