Marzhi i gabimit statistikor për kampionin e plotë është+/-2.9% Marzhi i gabimit statistikor për nënkampionin e femrave është+/-4% Marzhi i gabimit statistikor për nënkampionin e meshkujve është+/-4% Marzhi i gabimit statistikor për nënkampionin e qyteteve+/-3.9% Marzhi i gabimit statistikor për nënkampionin e fshatrave/rrethinave është+/­4.1% Marzhi i gabimit statistikor për nënkampionin e arsimit të ulët/mesëm është+/­3.4% MBLEDHJA DHE ANALIZA E TË DHËNAVE Kjo anketë është kryer me anën e intervistimit ballë për ballë të personave, sipas skemës së sipërme të kampionimit. Përpara dërgimit në terren, 28 anketuesit janë trajnuar nga skuadra e menaxhimit të projektit në Shtator 2019. Gjatë trajnimit janë kryer anketa të simuluara për të testuar pyetësorin dhe për të vërejtur reagimet e anketuesve ndaj situatave të mundshme gjatë anketimit në kushtet reale. Puna në terren për mbledhjen e të dhënave filloi më 27 Shtator dhe përfundoi në 7 Tetor 2019. Përgjigjet e të anketuarve janë regjistruar në mënyrë direkte në smartphonet e anketuesve dhe i janë transmetuar në mënyrë direkte serverit qendror me anën e një software të veçantë të prodhuar specifikisht për këtë studim nga ana e specialistit të IT të projektit. Koha dhe vendi i çdo ankete është regjistruar automatikisht me anën e një software gjithashtu të dizenjuar specifikisht për këtë projekt. Informacioni është përdorur në mënyrë të përditshme, metodologjisti dhe 13 mbikëqyrësit në terren, me qëllim sigurimin e kryerjes së anketave sipas skemës së paracaktuar të kampionimit dhe udhëzimeve metodologjike. Mbikëqyrësit kanë kryer kontrolle të përditshme rastësore cilësie për të garantuar kryerjen e anketave në zonat e paracaktuara për tu mbikëqyrur. Në fund të punës në terren, është kryer kontrolli i cilësisë së të dhënave të mbledhura në server nga ana e anketuesve. Përpara analizimit të të dhënave, kampioni është rimatur për të përfaqësuar shpërndarjen ekzakte të moshës sipas raporteve të Institutit të Statistikave(INSTAT). Më pas të dhënat janë përpunuar dhe analizuar duke përdorur softwarin STATA 11. Përveç analizës së të dhënave të gjeneruara nëpëmjet kampionit të përgjithshëm, aty ku është gjykuar si e nevojshme janë analizua dhe të dhënat të prodhuara duke u bazuar në nën-kampionët e gjinisë, arsimit, apo shpërndarjes gjeografike(rurale/urbane). 17