од земјите во Западен Балкан и Европската Унија 7.1  Словенија Словенија може да се прикаже како една од најдобрите примери во Европа во социјалните области, посебно во областа за грижата за семејството и поддршка на родителите. Тоа вклучува повеќе аспекти коишто се однесуваат на поддршка на семејствата, почнувајќи од: должината на родителското отсуство и за мајките и татковците, висината на финансиската исплата за родителското отсуство, како и допол ­нителната финансиска и социјална поддршка за родителите. Во однос на поддршката на локално ниво, постојат и најразлични програми и сервиси за поддршка на семејствата 32 , со кои се намалуваат социјалните нееднаквости, се зајакнува положбата на ранливите се ­мејства и се зајакнува социјалната инклузија на семејствата. Па, така, постојат: семејни центри, центри за психо-социјална поддршка на адолесценти и деца, како и мултигенерациски центри. Во семејните центри се организираат едукативни и работилници за развивање вештини за позитивно родителство, активности за деца за време на летниот распуст, или, пак, овозможуваат повремена грижа за децата. Цeнтрите за психо-социјална поддршка служат како еден вид советувалишта, каде се спроведуваат: програми за личен развој, меѓусебна комуникација, намалување на стресот и проблеми кои ги таргети ­раат младите, но и семејствата. Активностите во мултигенерациските центри се насочени кон ранли ­вите семејства, со цел да се подигне квалитетот на живот на овие ранливи групи и да се спречи нивна социјална исклученост или запаѓање во сиромаштија. 33 7.2  Германија Покрај федералните(државни) мерки кои Германија ги предвидува, како што се: надоместокот за дете без разлика на приходите на семејството, надоместокот за родители и различните можности за флекси ­билно или пола работно време субвенционирано од државата, општините и сојузните покраини имаат многу важна улога во спроведувањето на поддршката за семејствата, особено во делот на згрижување и воспитување на децата, локалните социјални услуги и финансиската помош. Општините се одговорни за голем дел од јавните градинки и центри за дневна грижа. Тие често ги субвенционираат трошоците, односно во повеќе покраини и градови веќе е воведена бесплатна или намалена наплата за престој во градинка, особено за последните години пред училиштето или за се ­мејства со пониски приходи. Износот што го плаќаат родителите зависи од: висината на приходите, возраста на детето, бројот на часови дневно и бројот на деца во семејството. Родители кои примаат социјални бенефиции, често се ослободени од плаќање или плаќаат значително намален надомест. Дополнително, воведена е федерална програма што ја спроведуваат локалните општински служби чија цел е да им помогнат на децата од семејствата со ниски приходи –преку покривање на трошоците за: училиштен прибор, оброци, екскурзии, спортски и културни активности. Некои општини нудат и допол ­нителни локални програми – на пример: субвенции за превоз до училиштето, поддршка за самохрани родители или еднократна помош за школски трошоци. 32  Family support programmes, Government of Sloveniа https://www.gov.si/en/policies/familiy-children-and-marriage/family-support-programmes/ 33  Id. До родова еднаквост преку локални политики за поддршка на грижа за децата 23