Fuqizim të sektorit Stabilitet makrofinanciar dhe rritje të balancuar të pagave Duke qenë se rritja e pagave në sektorin publik bëhet më e prognozuar, sektori privat do të ketë mundësi të konkurrojë me sektorin publik dhe punonjësit në sektorin privat do të mund të gëzojnë paga më të larta. Rritja e kontrolluar e pagave në sektorin publik është pozitive edhe në mbajtjen nën kontrollë të shpenzimeve publike por edhe të ruajtjes së stabilitetit financiar. Duke ndërlidhur vlerën e koeficientit me atë të pagës minimale, shpenzimet do të jenë të kontrollueshme dhe rritjet e pagave të parallogaritura mirë. 1.2 Transparenca dhe pritshmëria Një princip tjetër i vendosjes së pagave për sektorin publik është parimi i transparencës dhe shpërblimeve të pritshme. Në njërën anë, një punonjës në sektorin publik duhet ta ketë të qartë përllogaritjen e pagës, nivelin, gradimin dhe avancimn e mundshëm, e në anën tjetër ky sistem duhet të jetë i qartë edhe për financuesit e tij, publikun e gjerë. Gjithëpërfshirja është tejet e rëndësishme në parimin e transparencës. Të gjitha palët duhet të dëgjohen dhe meqë çështja e pagave në sektorin publik prekë shumë kategori, është e rëndësishme të dëgjohen të gjitha palët. Për më tepër, sistemi i ri duhet të sigurohet se është bërë më I kuptueshëm dhe më i thjeshtësuar për palët dhe publikun. 11